हाईस्कूल, हायर सेकेण्डरी पूरक परीक्षा फार्म भरे के अंतिम तिथि बाढ़िस

छात्र अब 27 जून तक कर सकही आवेदन
  रायपुर, 26 जून 2023
छत्तीसगढ़ माध्यमिक शिक्षा मण्डल के हाईस्कूल अउ हायर सेकेण्डरी पूरक परीक्षा वर्ष 2023 के परीक्षा फार्म भरे के तिथि म बढ़ोतरी कर दिए गए हे। छात्र मन अब 27 जून के कार्यालयीन समय संझा 5:30 बजे तक संबंधित संस्था के माध्यम ले मण्डल के पोर्टल म आवेदन कर सकत हे।
    छत्तीसगढ़ माध्यमिक शिक्षा मण्डल के सचिव प्राफेसर व्ही.के.गोयल ह बताइस कि हाईस्कूल अउ हायर सेकेण्डरी पूरक परीक्षा वर्ष 2023 के परीक्षा फार्म भरे के अंतिम तिथि सामान्य शुल्क के संग 14 जून अउ विलंब शुल्क के संग 20 जून निर्धारित रहिस हे। अंतिम तिथि सिराए के गए ले कतको झन छात्र छात्रा मन विभिन्न कारण के सेती परीक्षा फार्म नई भरे के हवाला देत हुए परीक्षा फार्म के तिथि म वृद्धि करे के मांग करिस हे। मण्डल कती ले छात्र हित म पूरक परीक्षा फार्म भरे के तिथि ल बढ़ोय के निर्णय लिस। छात्र अब 27 जून तक कार्यालय समय संझा 5:30 बजे तक संबंधित संस्था के माध्यम ले मण्डल के पोर्टल म आवेदन कर सकत हे।
Neha Rathore