दन्तेवाड़ा, दन्तेवाड़ा के अपन ब्राण्ड डेनेक्स नवा दन्तेवाड़ा गारमेंट फेक्ट्री हारम यूनिट ले आज 70 हज़ार रेडीमेड कपड़ा के लॉट बिक्री बर बैंगलूरू भेजे गीस, जेखर कीमत 4 करोड़ रूपिया हे। दंतेवाड़ा गारमेंट फैक्ट्री ले अब तक डेनेक्स ब्रांड के करीबन 12 करोड़ मूल्य के गारमेंट सप्लाई हो गए हे। जानबा हे कि पुना माड़ाकाल दन्तेवाड़ा गरीबी उन्मूलन के तहत् जिला म आर्थिक रूप ले कमजोर मनखे मन ल आजीविका उपलब्ध कराए बर कई प्रकार के उद्यम अऊ स्वरोजगार संचालित करे जात हे, जेमां नवा दंतेवाड़ा गारमेंट फैक्ट्री घलोक सामिल हे। नवा दंतेवाड़ा गारमेंट फैक्ट्री ले आज 4 करोड़ के गारमेंट बैंगलूरू भेजे गीस, जिहां ले दंतेवाड़ा डेनेक्स ब्रांड के गारमेंट्स ऑनलाईन देश के कश्मीर ले कन्याकुमारी तक बेंचाथे।
नवा दंतेवाड़ा गारमेंट फैक्ट्री म बड़ संख्या म मनखे मन ल रोजगार अऊ आय के जरिया उपलब्ध होवत हे। डेनेक्स ब्रांड के गारमेंट ह देश के मार्केट म अपन अच्छा-खासा जगा बना लेहे हे। दंतेवाड़ा म तियार गारमेंट्स के पूरा देश म डिमांड हे। गारमेंट फैक्ट्री म काम करत महिला मन पूरा मनोयोग ले अपन काम म जुटे हें अऊ मार्केट के डिमांड के अनरूप गारमेंट तियार करत हें।
कलेक्टर श्री दीपक सोनी ह आज फैक्ट्री पहुंचके महिला मन के काम ल सहराइन। डेनेक्स म काम करत 4 दीदी मन कुसुम नाग, नीतू नेताम, सतबती नाग, संजना यादव ल बेस्ट परफॉर्मेंस ऑफ द मंथ के खिताब अऊ उनला कंपनी कोति ले एक हजार रूपिया के गिफ्ट वाउचर दीस। कांति कुस्वाम के लगन अऊ मेहनत ल देखत ओ ल प्रोमोशन देहे के संगेच वोकर तनखा 7 हजार रूपिया ले बढ़ाके 10 हजार रूपिया कर देहे गीस।
दंतेवाड़ा ले डेनेक्स ब्रांड के 4 करोड़ मूल्य के गारमेंट के सप्लई
