रायपुर 27 मार्च 2020। राज्य शासन कोति ले कोरोना वायरस के संक्रमण ल रोके बर लाक डाउन करे गए हे। राज्य म जरूरी समान मन के आपूर्ति के निरंतरता बनाए रखे अउ पविहन सेवा के संबंध म जरूरी समन्वय सुनिश्चित करे बर श्री वेदव्रत सिरमौर, संयुक्त परिवहन आयुक्त ल राज्य नोडल अधिकारी नियुक्त करे गए हे। संयुक्त परिवहन आयुक्त श्री वेदव्रत सिरमौर, ले ओखर मोबाइल नंबर 8224900700 अऊ ईमेल आई डी atc.cg@gov.in म संपर्क करे जा सकत हे। परिवहन विभाग के सचिव डॉ. कमलप्रीत सिंह कोति ले राज्य नोडल अधिकारी नियुक्त करे के आदेश मंत्रालय, महानदी भवन ले जारी करे गए हे।
जरूरी समान मन के आपूर्ति अऊ परिवहन सेवा बर राज्य नोडल अधिकारी नियुक्त
