श्रीमती राजवाड़े कृषि उन्नत योजना के तहत उपार्जित धान के प्रतिपूर्ति राशि वितरण कार्यक्रम म संघरिन
54 हजार 271 किसान मन के खाता म आइस 300 करोड़ 62 लाख रूपिया
सूरजपुर, 12 मार्च 2024। महिला अउ बाल विकास मंत्री श्रीमती लक्ष्मी राजवाड़े आज सूरजपुर म कृषक उन्नति योजना अंतर्गत आदान सहायता राशि वितरण कार्यक्रम म सामिल होइन। कृषक उन्नति योजना अंतर्गत जिला के 54 हजार 271 किसान मन ल 300 करोड़ 62 लाख 45 हजार रूपिया के उपार्जित धान के अंतर के राशि डीबीटी के माध्यम ऊंखर बैंक खाता म अंतरित करे गीस। ये राशि मुख्यमंत्री श्री विष्णु देव साय ह बालोद जिला म आयोजित कार्यक्रम ले सीधा कृषक बंधु मन के खाता म अंतरित करिन।
मंत्री श्रीमती राजवाड़े ह कहिन कि प्रधानमंत्री श्री नरेंद्र मोदी के किसान मन ले करे गए एक अऊ गारंटी पूरा हो गे। आज के दिन किसान मन ल समर्पित हे। कृषि प्रधान छत्तीसगढ़ राज्य अउ सूरजपुर जिला बर आज के दिन हमेसा सुरता करे जाही। छत्तीसगढ़ के किसान मन के हित अऊ समावेशी विकास हमर सरकार के प्राथमिकता हे। जेन ल पूरा करे बर छत्तीसगढ़ शासन हर सकारात्मक कदम उठावत हे। उमन किसान मन ल बधाई देवत कहिन कि हमार अन्नदाता कृषक बंधु मन के तरक्की सरलग होत रहय इही उंखर ईश्वर ले कामना हे।
कृषक उन्नति योजनान्तर्गत किसान मन ल प्रति क्विंटल 3100 रूपिया देहे के प्रावधान हे। पहिली किसान मन ल 2183 रूपिया प्रति क्विंटल देहे गए हे, जेकर बांचे प्रति पूर्ति राशि 917 रूपिया प्रति क्विंटल आज मुख्यमंत्री श्री विष्णु देव साय ह सीधा किसान मन के खाता म हस्तांतरित करिन। एखर कार्यक्रम म बड़ संख्या म जन प्रतिनिधिगण, कलेक्टर श्री रोहित व्यास संग जिला स्तर के अधिकारीगण उपस्थित रहिन।
