सूरजपूर, 19 जून 2021। छत्तीसगढ़ म लागू गोधन न्याय योजना ले कइसे गरीब मन के जीवन म बदलाव आवत हे अऊ कइसे मनखे आगू बढ़त हे, एखर बानगी सुने ल मिलीस। सूरजपूर, कोरिया जिला म करोड़ो रुपिया के विकास काम मन के लोकार्पण अऊ भूमिपूजन के समय मुख्यमंत्री के आगू सूरजपूर जिला के गांव म रहइया सीता देवी ह गोठान ले जुड़के वर्मी कम्पोस्ट निर्माण करके मुनाफा कमा के न सिरिफ कहानी बताईन, अपन ये मुनाफा के पीछू शासन के योजना ल महत्वपूर्ण बतात जब माइक ले सबके आगू बोलीन कि धन्य हे मुख्यमंत्री जी आप मन के, जेन आप मन गोठान के माध्यम ले हम महिला मन के हाथ म काम देके हमर गरीबी दूर करेव…एखर बर हम सबो गरीब महिला मन आप मन के तहेदिल ले आभार व्यक्त करत हन… तो ये आखर ल सुनइया अधिकांश मनखे मन के हाथ ले ताली बाज गे। ग्रामीण महिला सीता देवी के जुबान ले ये आखर सुनके मुख्यमंत्री घलोक भावुक हो उठिन अऊ उमन सीतादेवी ल वोखर सफलता म बधाई दीन।
धन्य हे आप मन के मुख्यमंत्री जी, जेन हमार हाथ म काम देके गरीबी दूर करेव
