सूरजपुर जिला के पण्डोनगर के राष्ट्रपति भवन म उत्साह पूर्वक सुने गीस मुख्यमंत्री के लोकवाणी

सूरजपुर, मुख्यमंत्री श्री भूपेश बघेल के मासिक रेडियो वार्ता लोकवाणी के प्रसारण आदिवासी विकास हमर आस विसय उपर आधारित लोकवाणी के पांचवा कड़ी के प्रसारण आज भिनसरहा 10.30 बजे ले 10.55 बजे तक सूरजपुर जिला के पण्डोनगर के राष्ट्रपति भवन म सामूहिक रूप ले सुने गीस। कलेक्टर दीपक सोनी के निर्देश म ग्राम पंचायत पण्डोनगर म मुख्यमंत्री के मासिक रेडियो वार्ता लोकवाणी के पांचवी कडी के प्रसारण ल सुने बर व्यापक व्यवस्था करे गए रहिस। ये बेरा म जिला पंचायत के मुख्य कार्यपालन अधिकारी श्री अश्वनी देवांगन, अपर कलेक्टर एस.एन. मोटवानी, सूरजपुर जनपद पंचायत मुख्यकार्यपालन अधिकारी श्री वेद प्रकाश गुप्ता, उपेन्द्र तिवारी, रमेश चंद्र सोनकर, श्रीमति सुखोबाई सरपंच पण्डोनगर, बनारसी पण्डो पण्डोसमाज के अध्यक्ष, स्कूली छात्र-छात्रा अऊ ग्रामीण जन मन ह उत्साह पूर्वक श्री बघेल के लोकवाणी कार्यक्रम के पांचवां कडी के श्रवण करिन। ये लोकवाणी कार्यक्रम आज ए खातिर घलोक खास हे के पण्डोनगर म विशेष पिछड़ी जनजाति पण्डो निवासरत हें अऊ लोकवाणी कार्यक्रम के माध्यम ले वो मन घलोक अपन विकास के नवा आयाम खोज पाहीं।