सूरजपुर, 21 अप्रैल 2020। राज्य सरकार ह लॉकडाउन के बेरा म मजदूर मन ल मनरेगा के तहत जम्मो सावधानी के संग मजदूरी करे के अनुमति देहे गए हे। सूरजपुर जिला म काली भिनसरहा करीबन सात बजे कलेक्टर श्री दीपक सोनी के संग सीईओ जिला पंचायत अश्वनी देवांगन ह ग्राम पंचायत डुमरिया, पसला अउ भैयाथान विकासखण्ड के ग्राम पंचायत मसीरा के दौरा करके मनरेगा योजना अंतर्गत संचालित निर्माण काम मन के जांच करिन अऊ आन विकास काम मन के जायजा लीन।
ये बेरा म कलेक्टर ह डूमरिया म नवा तलाब अउ पसला म तलाब गहरीकरण के जांच करिन। उमन तलाब बर स्वीकृत राशि अऊ मानव दिवस के जानकारी तको लीन अउ कार्यरत मजदूर मन के बीच पहुंचके उमन से मुलाकात करके भुगतान राशि, कोरोना वायरस के संक्रमण अउ प्रभाव ले संबंधित सुरक्षा मानक के प्रति मजदूर मन ले चर्चा करिन।
एखर अलावा मजदूर मन ल कार्यस्थल म सबो सुविधा मन के संगे संग सुरक्षा मानक के प्रति सरलग जागरूकता लाय बर रोजगार सहायक, तकनीकी सहायक मन ल दुरुस्त होके काम करे के निर्देश दीन। कलेक्टर श्री सोनी ह मनरेगा सहायक परियोजना अधिकारी अउ कार्यक्रम अधिकारी ल नियमित रुप ले काम के निगरानी करे बर निर्देश दीन।
