सूरजपुर, 10 मार्च 2021। कलेक्टर श्री रणबीर शर्मा अऊ मुख्य कार्यपालन अधिकारी जिला पंचायत श्री आकाश छिकारा, जिला शिक्षा अधिकारी श्री विनोद राय के कुशल मार्गदर्शन म पढ़ना लिखना अभियान के समय-सीमा म सफल क्रियान्वयन बर स्वयंसेवी शिक्षक मन के दू दिन के गैर आवासीय प्रशिक्षण के आयोजन जिला म कराए जात हे। ये वाले प्रशिक्षण विकासखण्ड प्रतापपुर, भैयाथान अऊ ब्लॉक मुख्यालय विकासखण्ड सूरजपुर म नगर पंचायत विश्रामपुर, जुन्ना डीईओ ऑफिस सूरजपुर, संकुल केन्द्र बसदेई, पर्री, गिरवरगंज म आयोजित करे गए हे।
अभियान के संबंध म जिला परियोजना अधिकारी शशिकांत सिंह ह बताइस कि राज्य साक्षरता मिशन प्राधिकरण रायपुर के हुकुम के मुताबिक मार्च 2021 तक सूरजपुर जिला बर कुल 9056 असाक्षर मन ल साक्षर करे के लक्ष्य रखे गए हे। एखर बर चुने गए ग्राम पंचायत, नगरीय निकाय के वार्ड मन म सर्वे के बाद चिन्हांकित जम्मो असाक्षर अऊ प्रति 8-10 असाक्षर मन बर एक स्वयंसेवी शिक्षक के चयन करके जम्मो जरूरी जानकारी पोर्टल म अपलोड करे गए हे। स्वयंसेवी शिक्षक मन के दू दिन के प्रशिक्षण के बाद तुरंत साक्षरता कक्षा मन के संचालन के काम चालू होना हे।
प्रशिक्षण म विकासखण्ड सूरजपुर ले बीईओ पण्डित भारद्वाज, बीपीओ जयराम प्रसाद, बीआरसीसी मनोज मण्डल, ब्लॉक प्रतापपुर ले बीईओ जनार्दन सिंह, बीपीओ राकेश मोहन मिश्रा, ब्लॉक भैयाथान ले बीईओ फुलसाय मराबी, बीपीओ दिनेश देवांगन उपस्थित रहे। कुशल प्रशिक्षक सुदर्शन राजवाडे़, सीमांचल त्रिपाठी, आजाद अंसारी, शशिकला दुबे, पंकज कुमार सिंह, गौरीशंकर पाण्डेय, लक्ष्मी सिंह, मंजू पटेल, अनुज नारायण दुबे, मुबारक अली, अजय यादव, सुजीत मौर्य, अंजेला केरकेट्टा, रामेश्वर तिवारी, जुगेन्दर सोनी कोति ले प्रशिक्षण देहे जात हे।
पढ़ना लिखना अभियान अंतर्गत स्वयंसेवी शिक्षक मन के दू दिन प्रशिक्षण के होइस आयोजन
