सूरजपुर : मुख्यमंत्री श्री भूपेश बघेल ह भटगांव विधायक श्री पारसनाथ राजवाड़े के स्व. माताजी के छायाचित्र म पुष्प अर्पित कर दीन श्रद्धांजलि

सूरजपुर, मुख्यमंत्री श्री भूपेश बघेल आज सूरजपुर जिला के भटगांव विधायक अऊ संसदीय सचिव श्री पारसनाथ राजवाड़े के माताजी के निधन म गहरा दुख प्रकट करिन अऊ आज ऊंखर गृह निवास ग्राम बतरा पहुंच के माताजी स्व. बालकुंवर राजवाड़े के फोटू उपर पुष्प अर्पित करके श्रद्धांजलि दीन।
जानबा हे कि संसदीय सचिव छ.ग. शासन अऊ भटगांव विधायक पारसनाथ राजवाड़े के माता श्रीमती बाल कुंवर राजवाड़े के पाछू 30 दिसंबर के आकस्मिक निधन हो गए रहिस। आज मुख्यमंत्री श्री बघेल ह शोक संतप्त परिवार ले भेंटकरके ये शोक के घड़ी म ढांढस बंधाइन अऊ मृत आत्मा के शांति बर ईश्वर ले प्रार्थना करिन।
ये बेरा म खाद्य अऊ संस्कृति मंत्री श्री अमरजीत भगत, सरगुजा क्षेत्र आदिवासी विकास प्राधिकरण के अध्यक्ष श्री खेलसाय सिंह, संसदीय सचिव अऊ विधायक मनेंद्रगढ़ श्री विनय जायसवाल, संसदीय सचिव अऊ बैकुंठपुर विधायक श्रीमती अंबिका सिंह देव, संसदीय सचिव श्रीमती रश्मि सिंह, लुण्ड्रा विधायक प्रीतम राम ,अनुसूचित जनजाति आयोग के अध्यक्ष भानु प्रताप सिंह, जिला पंचायत अध्यक्ष श्रीमती राजकुमारी मरावी संग बहुत अकन जनप्रतिनिधियों ह स्वर्गीय श्रीमती बालकुंवर राजवाड़े ल श्रद्धांजलि अर्पित करिन।
ये बेरा म जिला के स्थानीय प्रतिनिधि संग सरगुजा आईजी रामगोपाल गर्ग, कलेक्टर सुश्री इफ्फत आरा, पुलिस अधीक्षक रामकृष्ण साहू संग प्रशासनिक अऊ पुलिस विभाग के आला अधिकारी उपस्थित रहिन।