मुख्यमंत्री ह माना में आधुनिक कंपोजिट इंडोर फायरिंग रेंज ‘लक्ष्य’ के करिस शुभारंभ
रायपुर, दुर्ग अउ बलरामपुर में पुलिस ट्रांजिट हॉस्टल भवन के शिलान्यास
रायपुर, बिलासपुर, दुर्ग, बस्तर अउ सरगुजा में रेंज स्तरीय नवा साईबर पुलिस थाना के लोकार्पण
रायपुर, 10 अगस्त 2023
मुख्यमंत्री श्री भूपेश बघेल ह आज राजधानी रायपुर के माना स्थित पुलिस प्रशिक्षण विद्यालय में आधुनिक कंपोजिट इंडोर फायरिंग रेंज ‘लक्ष्य’ के उद्घाटन करिस। ओ ह ए बेरा मे पुलिसिंग सेवा ल अउ बेहतर बनाए ब नवा पुलिस वाहन ल हरियर झण्डी देखा के रवाना करत हुए आधुनिक तकनीक अउ पुलिस सुविधा ले युक्त साईबर थाना, महिला हेल्प डेस्क सहित विभिन्न भवन के भूमिपूजन अउ लोकार्पण करिस। अंतर्राष्ट्रीय मानक के अुनसार फायरिंग रेंज ‘लक्ष्य’ के निर्माण 6.67 करोड़ रूपिया के लागत ले करे गइस हे, एकर से छत्तीसगढ़ पुलिस ल उत्तम अउ बेहतर प्रशिक्षण प्राप्त होही। कार्यक्रम के अध्यक्षता गृह मंत्री श्री ताम्रध्वज साहू ह करिस।
मुख्यमंत्री श्री भूपेश बघेल ह ए अवसर म सम्बोधित करत हुए कहिस कि प्रदेश में शांति अउ सुरक्षा व्यवस्था में पुलिस सेवा के अहम भूमिका होथे। एला धियान म राखत हुए छत्तीसगढ़ में पुलिस सेवा ल सुदृढ़ बनाए के हर आवश्यक कदम उठाए जाथ हे। एकर तहत ओमन ल बेहतर वातावरण, बेहतर सुविधा अउ बेहतर संसाधन उपलब्ध कराए ब बिसेस जोर दिए जाथ हे।
