सरगुजा, जिला के 119 अमृत सरोवर मन म 80वां स्वतंत्रता दिवस देशभक्ति अउ उमंग के संग मनाए गीस। कलेक्टर श्री अजीत वसंत के मार्गदर्शन अउ जिला पंचायत सीईओ श्री विनय कुमार अग्रवाल के निर्देशन म जम्मो अमृत सरोवर मन म तिरंगा फहराए गीस। ए मउका म तिरंगा रैली, जनसंवाद, पौधारोपण अउ स्वच्छता अभियान जइसे कइ कार्यक्रम आयोजित करे गीस।
‘जनसंवाद 2.0’ के तहत ग्रामीण मन ‘मेरे गांव की प्राथमिकता’ म गाँव के जरूरत अउ विकास के मुद्दा मन ऊपर गोठ-बात करिन अउ विकसित भारत बनाए बर सक्रिय भागीदारी निभाए के संकलप लीन।
ध्वजारोहण के बाद लइका मन अउ ग्रामीण मन तिरंगा रैली निकालिन। संगेच सरोवर परिसर म पौधा लगाइन अउ श्रमदान करके साफ-सफाई घलो करिन। ए कार्यक्रम म जनप्रतिनिधि, महिला स्व-सहायता समूह के सदस्या, युवा अउ स्कूली लइका मन भारी संख्या म सामिल रहिन।
सरगुजा के 119 अमृत सरोवर मन म मनाए गीस 80वां स्वतंत्रता दिवस, तिरंगा फहराके गांव वाले मन लीन विकसित भारत के संकलप
