- सरगुजा जिला ल 155 करोड़ रूपिया के विकास अऊ निर्माण काम मन के सौगात
- वीडियो कॉन्फ्रेंसिंग के माध्यम ले मुख्यमंत्री ह करिन ई-लोकार्पण अऊ शिलान्यास
रायपुर, 06 अक्टूबर 2020। मुख्यमंत्री श्री भूपेश बघेल ह आज अपन निवास कार्यालय ले वीडियो कॉन्फ्रेंसिंग के माध्यम ले सरगुजा जिला ल 154 करोड़ 63 लाख रूपिया के विकास अऊ निर्माण कार्य मन के सौगात दीन। मुख्यमंत्री ह कहिन हे के सरगुजा ह स्वच्छता अऊ नवाचार के क्षेत्र म सराहनीय काम करे हे। सरगुजावासी मन ह अपन उल्लेखनीय कार्य मन ले छत्तीसगढ़ ल गौरवान्वित करे हे। स्वच्छता के क्षेत्र म सरगुजा जिला के कार्य मन के सराहना करत उमन एखर बर सरगुजा प्रशासन, नगर निगम अऊ पार्षद अऊ सरगुजावासी मन ल बधाई अऊ शुभकामना दीन। मुख्यमंत्री ह ये मौका म सरगुजा जिला म 2 पुल अऊ 4 ग्रामीण सड़क मन के निर्माण के घोषणा करिन। मुख्यमंत्री ह ये मौका म उत्कृष्ट काम बर बैंक सखी मन ल घलोक प्रमाण पत्र प्रदान करके सम्मानित करिन। कार्यक्रम के अध्यक्षता सरगुजा जिला के प्रभारी मंत्री अऊ नगरीय प्रशासन मंत्री डॉ. शिव कुमार डहरिया ह करिन। कार्यक्रम म पंचायत अऊ ग्रामीण विकास मंत्री श्री टी.एस. सिंह देव, स्कूल शिक्षा मंत्री डॉ. प्रेमसाय सिंह टेकाम, खाद्य मंत्री श्री अमरजीत भगत घलोक ऑनलाइन सामिल होइन।