लाखों के अवैध शराब के संग पिता-पुत्र गिरफ्तार, सरगुजा पुलिस ह करिस कार्रवाई

अंबिकापुर, 16 नवंबर 2020। पुलिस ल बड़का कामयाबी मिले हे। पुलिस ह मुखबिर ले मिले सूचना म लाखों के अवैध शराब के तस्कर मन ल गिरफ्तार करिस हे। पुलिस ह सरगुजा जिला के करजी के पास घेराबंदी करके मध्यप्रदेश ले आवत शराब ले भरे वैन ल रुकवाइस। तलाशी के दौरान वैन म महंगा दाम के कई पेटी शराब मिलिस। एखर कीमत 7 ले 8 लाख बताए जावत हे। पुलिस ह आबकारी एक्ट के तहत करवाई करत हुए शराब तस्करी करने वाला पिता अऊ पुत्र ल गिरफ्तार करके न्यायिक रिमांड म लेके जेल भेज दे हे। पुलिस शराब तस्करी करने वाला आरोपी मन के एखर पहली के रिकॉर्ड घलो खंगालत हे।