अंबिकापुर, 26 मई 2024। गृह, जेल अउ स्वास्थ्य अउ परिवार कल्याण विभाग के अपर मुख्य सचिव मनोज पिंगुआ सनिच्चर के सरगुजा पहुंचिन। उमन सबले पहिली कलेक्टर विलास भोस्कर अउ अकतहा पुलिस अधीक्षक अमोलक सिंह के संग जिला जेल के उदुपहा जांच करिन। ए बेरा म उमन जेल म बंदी मन के स्वास्थ्य, सुरक्षा संग उपलब्ध आन सुविधा मन के जानकारी लीन। उमन इहां पुरुष बैरक, महिला बैरक, मुलाकात कक्ष, किचन, कला उद्योग शाखा, वीडियो कॉन्फ्रेंसिंग रूम आदि के अवलोकन करिन। स्वास्थ्य सुविधा मन के जायजा लेहे पिंगुआ ह चिकित्सालय के निरीक्षण तको करिन। उमन स्वास्थ्य परीक्षण के जानकारी लीन। उहां के रजिस्टर पंजी मन के जांच करिन, संगेच उमन डॉक्टर के उपलब्धता, बीमार बंदी मन के उपचार संबंधी सुविधा अऊ दवई के उपलब्धता घलोक देखिन। जांच के समय उमन जेल म स्वच्छता के विशेष ध्यान रखे ल कहिन। परिसर भ्रमण करके सुरक्षा व्यवस्था के घलोक अवलोकन करिन। ए बेरा म पिंगुआ ह कैदी मन ले बात करिन, महिला कैदी मन ले मुलाकात के समय छोटे लइका मन के घलोक हालचाल पूछिन। जेल म कला उद्योग शाखा म संचालित गतिविधि मन के अवलोकन करत उमन समान मन के सम्बन्ध म जानकारी लेत निर्माण प्रक्रिया, प्रशिक्षण अउ विक्रय के बारे म जानकारी लीन अऊ अधिकारी मन ल जरूरी दिशा निर्देश दीन।
अंबिकापुर जिला जेल के उदुपहा जांच
