रइपुर 10 अगस्त 2021 मंगल। मुख्यमंत्री दाउ भूपेश बघेल ह छत्तीसगढ़ के पहिली माइलोगन सांसद मिनीमाता के पुण्यतिथि 11 अगस्त के उन मन ल नमन करीन। मुख्यमंत्री ह कहीन कि सरल अउ सहज व्यक्तित्व के धनी मिनीमाता ह मानवता अउ समाज सेवा बर अपन पूरा जिनगी ल समर्पित कर दीन। असम म जन्मे मिनीमाता विहाव के बाद छत्तीसगढ़ के जन-जीवन म रच-बस गे। उन्कर सक्रियता ले संसद म सामाजिक उत्थान संबंधी कई ठोन कानून बनिस। दलित मन के नागरिक अधिकार के रक्षा बर अस्पृश्यता निवारण अधिनियम ल संसद म पारित कराए म उनमन बड़का भूमिका निभाईन। उन मन मानव कल्याण, नारी उत्थान, किसान, मजदूर, छूआ-छूत निवारण कानून, बाल विवाह, दहेज प्रथा, निःशक्त अउ अनाथ मन बर आश्रम, महिला शिक्षा अउ छत्तीसगढ़ बर आंदोलन जइसन जनहित के अबड़ अकन बूता मन म बड़का योगदान दीन। मजदूर मन ल एकजुट करे बर उन मन छत्तीसगढ़ मजदूर संघ के गठन करीन। मिनीमाता ह महिला अस्मिता ल एक ठो नवा ऊंचई दीन। उन्कर सुरता म छत्तीसगढ़ सरकार ह समाज अउ माइलोगन मन के उत्थान के क्षेत्र म उत्कृष्ट योगदान बर मिनीमाता पुरस्कार के स्थापना करे हवय। राज्य म हसदेव बांगो बांध ल मिनीमाता के नाम ले पहचान देहे गईस। मिनीमाता के सेवाभावी अउ प्रेरणादायी व्यक्तित्व ल सरीदिन सुरता करे जाही।
लउछरहा..
यूवोदय दुर्ग के दूत स्वयं सेवक मन बाल विवाह रोकथाम खातिर चलाए जात हे जागरूकता कार्यक्रम
May 1, 2024 Surabhi Tiwari Comments Off on यूवोदय दुर्ग के दूत स्वयं सेवक मन बाल विवाह रोकथाम खातिर चलाए जात हे जागरूकता कार्यक्रमदुर्ग, 01 मई 2024/ कलेक्टर सुश्री ऋचा प्रकाश चौधरी के मार्गदर्शन म जिला म बाल विवाह...चुनई मड़वा म पोस्टल बैलेट ले पुलिस अउ नगर सैनिक मन ह करिन मतदान
April 29, 2024 Surabhi Tiwari Comments Off on चुनई मड़वा म पोस्टल बैलेट ले पुलिस अउ नगर सैनिक मन ह करिन मतदानरायपुर, 29 अप्रैल 2024। रायपुर म पुलिस अउ नगर सेनानी अधिकारी कर्मचारी मन ह 27 अऊ...घर घर जाबो, वोट कराबो : रायपुर ले रवाना होइस होम वोटिंग मतदान रथ
April 29, 2024 Surabhi Tiwari Comments Off on घर घर जाबो, वोट कराबो : रायपुर ले रवाना होइस होम वोटिंग मतदान रथरायपुर, 29 अप्रैल 2024। कलेक्टर डॉ गौरव सिंह आज रायपुर लोकसभा म होम वोटिंग बर “होम...