प्रधानमंत्री सूर्यघर योजना : अंजोर बगरिस मंजुषा राजवाड़े के घर

कोरिया, प्रधानमंत्री श्री नरेंद्र मोदी कोती ले शुरू के गए प्रधानमंत्री सूर्यघर योजना के अब ग्रामीण क्षेत्र मन म घलोक असर देखे ल मिलत हे। कोरिया जिला के ग्राम तलवापारा म ए योजना के लाभ उठाके कई परिवार सौर ऊर्जा के माध्यम ले सस्ता अऊ स्थायी बिजली प्राप्त करत हे।
ग्राम तलवापारा निवासी ओमप्रकाश राजवाड़े के पत्नी श्रीमती मंजूषा राजवाड़े ह बताइस के उमन अपन घर म 3 किलोवाट के सौर ऊर्जा प्रणाली लगाए हे, जेखर से अब ऊंखर बिजली बिल म कमी आ गए हे। पहिली हर महीना 1600 ले 1700 रुपिया तक के बिल आत रहिस, जेन अब घटके 400 ले 500 रुपए हो गए हे। श्रीमती राजवाड़े ह बताइस के ओला ए योजना के जानकारी समाचार पत्र ले मिलीस। एखर बाद उमन स्थानीय बिजली कार्यालय जाकर पूरा जानकारी प्राप्त करिन अऊ आवेदन करिन।
ए योजना के अंतर्गत ओ मन बैंक ले ऋण प्राप्त होइस अऊ सरकार कोती ले 78,000 रुपिया के सब्सिडी घलोक दे गीस। एखर से ओ ल सौर यूनिट लगवाए म बहुत मदद मिलीस। उमन प्रधानमंत्री श्री नरेंद्र मोदी अऊ छत्तीसगढ़ के मुख्यमंत्री श्री विष्णु देव साय ल धन्यवाद देवत कहिन के ए योजना ह आम जनता ल आर्थिक रूप ले राहत देहे हे अऊ ऊर्जा आत्मनिर्भरता के दिशा म एक मजबूत कदम हे।
प्रधानमंत्री सूर्यघर योजना के उद्देश्य देश के नागरिक मन ल सौर ऊर्जा के सबसे अधिक लाभ देना हे, जेखर से न केवल बिजली के बचत होवय, बल्कि पर्यावरण संरक्षण ल घलोक बढ़ावा मिलय। कोरिया जिला म ए योजना के सफल क्रियान्वयन ले अब आन ग्रामीण घलोक प्रेरित होवत हें।