सूरजपुर : गौठान ह बदलिस जीवन, दिस परिवार ल सहारा : श्री राम बकस

358 क्विंटल गोबर बेच के राम बकस ह कमाइस 71 हजार 636 रुपिया
प्राप्त राशि ले बिसाइस एक जोड़ी बईला
सूरजपुर/ 26 जुलाई 2023
गौठान नवापारा कला, विकासखंड प्रेमनगर के श्री राम बकस, गौठान म चौकीदार हे। ओ ह अपन परिवार के संग गौठान भितर बने चरवाहा कुरिया म ही रईथे। ऊकर करा कुल 0.13 हेक्टेयर भुइयां, दू ठ गाय अउ दू ठ बछिया हे। गौठान म आने वाले गाय गरवा अउ अपन पोसे गाय के गोबर ल अउ गांव के चउक-चउराहा ले गोबर बिन के श्री राम बकस ह गोधन न्याय योजना सुरू होए ले आज तक कुल 358.18 क्विंटल गोबर बेच डारे हे। जेकर ले ओला  71 हजार 636 रुपिया के राशि मिले हे।
    श्री रामबकस ह उक्त राशि के उपयोग 1 जोड़ी बईला बिसाए अउ अपन भुइयां ल खेती लईक बनाए ब पईसा ल लगाईस हे। एकर छोड़े ओ ह गौठान में साग-सब्जि घलो जगाथे। ए ह शासन के योजना ही हे कि आज उकर परिवार ह बने जीवन जियत हे। ओ ह बताइस कि गोधन न्याय योजना अंतर्गत गौठान म गोबर बेचे ले उकर जीवन स्तर म सुधार होइस हे। आज ए योजना के माध्यम ले उकर परिवार सम्मान ले जीवन जियत हे। तेकरे सेती ओ ह गौठान के देखभाल अपन घर असन ही करथे।
Success story
Neha Rathore