सूरजपुर : रावेन्द्र ह मछली बीज बेच के कमाइस 4.50 लाख रुपिया

सूरजपुर, मत्स्य कृषक रावेन्द्र सिंह पिता संपत सिंह ग्राम पंचायत केंवरा पोस्ट भैयाथान जिला सूरजपुर के निवासी हे। जे ह पिछले 8 बरस ले सरलग मछली बीज उत्पादन के बुता करत हे। ओ ह अपन निजी भूमि म तीन तलाओ के निर्माण कराय हे। ओमा से एक तालाब मनरेगा अउ दू अन्य तालाब के निर्माण मत्स्य पालन विभाग के सहयोग ले बनवाय जे। ओला वर्ष 2022-23 जून-जुलाई म विभागीय स्पान संवर्धन योजना अन्तर्गत निशुल्क 25 लाख मत्स्य बीज मत्स्य विभाग कती ले उपलब्ध कराय गय रहिस हे अउ ओ ह स्वयं के खरचा ले लगभग 30 हजार के 50 लाख मत्स्य बीज फैजाबाद उत्तर प्रदेश से लाइस। जेकर संवर्धन कर के फिंगर साईज तियार करके अपन क्षेत्र म विक्रय कर के लगभग 4.50 लाख के शुद्ध आय प्राप्त करे हे। ओ ह बताइस कि मत्स्य बीज उत्पादन के काम जून-जुलाई ले अक्टूबर-नवम्बर के मध्य होथे। तियार किय गय मत्स्य बीज के विक्रय जिला के संग संग कोरिया, सरगुजा के किसान भाई मन ल तको करे जाथे। मछली बीज के उत्पादन आमदनी के बहुत अच्छा स्त्रोत हे, भविष्य म ऐला अउ बड़े रूप म करे के योजना हे। मत्स्य विभाग अउ जिला प्रशासन कती ले समय-समय म मार्गदर्शन, आवश्यक दिशा निर्देष अउ पूर्ण सहयोग प्रदान करे जाथे। एकर लिए ओला मत्स्य विभाग, जिला प्रशासन अउ राज्य सरकार ल धन्यवाद ज्ञापित करिस।