रायपुर, 12 नवम्बर 2020। शहर म अवैध तरीका ले कट्टा अउ पिस्टल के खरीदी बिक्री होए के सूचना म पुलिस ह आज बड़का कार्रवाई करे गीन। पुलिस ह निगरानी बदमाश रमेष महानंद ल 1 नग देशी कट्टा, 01 नग जिंदा कारतूस अउ 01 नग कारतूस के संग गिरफ्तार करिस। पुलिस के मुताबिक आरोपी थाना खम्हारडीह के निगरानी बदमाश हे, जे अपन पास देशी कट्टा के संग मोवा ओव्हर ब्रीज के पास बड़का घटना ल अंजाम देहे के फिराक म घुमत रिहिस। जेखर सूचना मिलत ही वरिष्ठ अधिकारी मन के निर्देश म सायबर सेल अउ थाना पंडरी के संयुक्त टीम द्वारा उक्त स्थान म जाके घेराबंदी करके रमेष महानंद ल पकड़ के ओखर कब्जा ले 01 नग देशी कट्टा, 01 नग जिंदा कारतूस अउ 01 नग कारतूस के खोखा बरामद करे गेहे। बतादन कि आरोपी रमेष महानंद के विरूद्ध थाना खम्हारडीह, पंडरी समेत रायपुर के कई थाना म दर्जन भर ले अधिक अपराध पंजीबद्ध हे। आरोपी के विरूद्ध थाना खम्हारडीह म 3/5 नागरिक सुरक्षा अधिनियम 1990 के तहत घलो कार्यवाही करे गेहे। आरोपी के विरूद्ध थाना पंडरी म अपराध क्रमांक 183/20 धारा 25 आम्र्स एक्ट के अपराध पंजीबद्ध करके आरोपी ल गिरफ्तार करके ओखर विरूद्ध अग्रिम कार्यवाही करे गेहे।
