सौर ऊर्जा ले जगमग हो गे मेश्राम के घर, बिजली बिल होइस शून्य

रायपुर, प्रधानमंत्री नरेंद्र मोदी के सूर्य घर मुफ्त बिजली योजना अऊ मुख्यमंत्री विष्णु देव साय के सुशासन के असर अब घर-घर दिखे लगे हे। रायपुर के सिविल लाइन के रहवइया भानुप्रताप मेश्राम ह अपन घर के छत म 3 किलोवाट क्षमता के सोलर यूनिट लगाए हे, जेखर से ओखर घर पूरा सौर ऊर्जा ले रोशन हो गए हे।
योजना के तहत ओ ल केंद्र सरकार ले 78,000 रूपिया अऊ राज्य सरकार ले 30,000 रूपिया के सब्सिडी मिलीस, जेखर से सोलर सिसटम के लागत म काफी कमी आईस। केवल तीन महिना म ही मेश्राम ह 1078 यूनिट सौर ऊर्जा के उत्पादन करिस, जेमां ले 612 यूनिट घर म उपयोग होइस अऊ 466 यूनिट बिजली विभाग ल बेचके ओ ल अकतहा कमई होइस।
वो ह बताइस के पहिली ओखर महिना के बिजली बिल लगभग 300 रूपिया आवत रहिस, जेन अब एक पइसा तको नइ आवय। मेश्राम ह खुशी व्यक्त करत कहिस के ये योजना बिजली बचत के माध्यम के संगें-संग आत्मनिर्भरता के दिशा म बड़का कदम हे।
वो ह नागरिक मन ले अपील करे हें के ओ मन घलोक ए योजना के लाभ लेके प्रधानमंत्री के एक करोड़ घर मन म सोलर पैनल लगाय के लक्ष्य म सहभागी बनंय। ये पहल हरित ऊर्जा अऊ आत्मनिर्भर भारत के कोति ले मजबूत कदम साबित होवत हे।