बिजली बिल होइस ZERO! खुज्जी के सरपंच ह बताइस PM सूर्य घर योजना ह बदल दीस जिनगी

राजनांदगांव, प्रधानमंत्री सूर्यघर मुफ्त बिजली योजना छत्तीसगढ़ के ग्रामीण क्षेत्र मन म ऊर्जा आत्मनिर्भरता के नवा मिसाल बनत हे। डोंगरगांव विकासखण्ड के ग्राम खुज्जी के सरपंच अजय कुमार पंसारी ए योजना के प्रमुख लाभार्थी बने हे। वो ह अपन घर के छत म 3 किलोवॉट के रूफटॉप सोलर पैनल लगवाए हे, जेखर से ओखर मासिक बिजली बिल, जेन पहिली 1200–1500 रूपिया तक आवत रहिस, अब पूरा शून्य हो गए हे।
विद्युत विभाग के मुताबिक, सोलर पैनल ले बनइया अकतहा बिजली सीधा ग्रिड म भेजे जाथे, जेखर बदला सरकार लाभार्थी ल निरधारित राशि देथे। एखर से पंसारी के घर के बिजली जरूरत बिना कोनो बाधा के पूरा होवत हे, संगेच पर्यावरण संरक्षण म महत्वपूर्ण योगदान घलोक मिलत हे।
सरपंच पंसारी अब गांव के आन मनखे मन ल घलोक सोलर ऊर्जा अपनाए खातिर प्रेरित करत हे। ऊंखर मार्गदर्शन म कई ग्रामीण रूफटॉप सोलर लगाय के प्रक्रिया शुरू करे हें। ओखर कहना हे के ये योजना ग्रामीण इलाका मन म बार-बार होवइया बिजली कटौती के समाधान साबित होवत हे अऊ मनखे मन ल ऊर्जा आत्मनिर्भर बनावत हे।
उमन प्रधानमंत्री नरेंद्र मोदी अऊ मुख्यमंत्री विष्णु देव साय के आभार जतात कहिन के ये योजना आत्मनिर्भर भारत के दिशा म एक ऐतिहासिक कदम हे।