प्रधानमंत्री सूर्यघर योजना ले ग्रामीण बनत हें ऊर्जादाता

अकतहा बिजली ले होवत हे आमदनी
गरियाबंद, प्रधानमंत्री सूर्यघर-मुफ्त बिजली योजना ह ग्रामीण अंचल मन म ऊर्जा आत्मनिर्भरता के नवा मिसाल कायम करे हे। गरियाबंद जिला के फिंगेश्वर विकासखंड के ग्राम पंचायत कौन्दकेरा के रहवइया श्री नारद राम यादव ह ए योजना के तहत अपन घर के छत म 3 किलोवाट क्षमता के रूफटॉप सोलर पैनल स्थापित करके घर ल पूरा सौर ऊर्जा ले संचालित कर देहे हे।
श्री यादव ह बताइस के पहिली वोखर घर के बिजली बिल हर महिना 3000 ले 3500 रूपिया तक आवत रहिस, फेर अब ओखर बिजली बिल शून्य हो गए हे। वो ह बताइस के ओ अपन घर म बिजली के उत्पादन खुद करत हे अऊ अकतहा बिजली राज्य शासन ल बेंच के आय अर्जित करत हे। श्री नारद राम ह बताइस के अब मोर बिजली बिल शून्य हो गए हे अऊ मैं अपन घर ले ही स्वच्छ ऊर्जा के उत्पादन करत हंव।