प्रधानमंत्री सूर्यघर मुफ्त बिजली योजना बनिस ऊर्जा सशक्तिकरण के दिशा म मील के पत्थर

श्री रामलाल पालीवाल ल बिजली के बिल ले मिलीस मुक्ति बिजली के बचत अऊ उत्पादन ले मिलीस राहत
राजनांदगांव, प्रधानमंत्री सूर्यघर मुफ्त बिजली योजना लोकहित म कारगर साबित होवत हे। सौर ऊर्जा के उपयोग करके बिजली उत्पादन करइया ये योजना ऊर्जा सशक्तिकरण के दिशा म मील के पत्थर साबित होवत हे। राजनांदगांव शहर के बसंतपुर वार्ड नंबर 43 के रहवइया श्री रामलाल पालीवाल ह बताइस के ओ ल समाचार पत्र के माध्यम ले प्रधानमंत्री सूर्यघर मुफ्त बिजली योजना के संबंध म जानकारी मिलीस, जेखर बाद वो ह विद्युत विभाग अऊ वेंडर ले संपर्क करिस अऊ अपन घर म 3 किलोवाट के सोलर प्लांट लगवाए हे। वो ह बताइस के रोजेच लगभग 12 ले 15 यूनिट बिजली के उत्पादन होवत हे। वो ह कहिस के रोजेच लगभग 10 यूनिट बिजली के उपयोग होथे। श्री रामलाल पालीवाल ह बताइस के अब बिजली बिल ले राहत मिले हे अऊ बिजली के बचत होवत हे। वो ह कहिस के प्रधानमंत्री सूर्यघर मुफ्त बिजली योजना बहुत उपयोगी हे। एकर लाभ सबो ल लेना चाही।