सुशासन तिहार बनिस पवन सिंह बर राहत के सौगात, अब मिलही सरकारी योजना मन के लाभ

गौरेला-पेंड्रा-मरवाही, जिला के ग्राम कुदरी के किसान पवन सिंह मरावी के चेहरा म अब खुशी साफ झलकत हे। कारन हे, सुशासन तिहार म मिले ओ ल समाधान के तोहफा। बीते कई साल ले वोखर सरकारी अभिलेख म नाम के गलती रहिस, जेकर सेती ओ प्रधानमंत्री किसान सम्मान निधि जइसे योजना मन ले वंचित रहि जात रहिस। हर बार फॉर्म भरय, फेर गलती के सेती नाम सूची ले बाहिर हो जात रहिस। मुख्यमंत्री विष्णुदेव साय के पहल म शुरू होए सुशासन तिहार म जब पवन सिंह ह अपन समस्या रखिस, त प्रशासन ह तुरंते गंभीरता दिखाईस। राजस्व विभाग ह तेजी ले जांच करके वोखर बी-1 रिकॉर्ड अऊ किसान किताब म नाम के गलती ल ठीक कर दीस।
अब जब अभिलेख म सब कुछ सही हो गए हे, त पवन सिंह ल उम्मीद के नवा किरण दिखे हे। ओ अब न सिरिफ किसान सम्मान निधि बल्कि आन सरकारी योजना मन के घलोक पूरा लाभ उठा सकही। खुश होके पवन सिंह कहिस के मैं शासन अऊ प्रशासन के दिल ले धन्यवाद करत हंव। अब मोला वो सब मिलही जेखर मोला कई बछर ले अगोरा रहिस। पवन सिंह के कहानी ए बात के मिसाल हे के कहूं जनता सजग होवय अऊ सरकार संवेदनशील, त समस्या सुलझ सकत हे। सुशासन तिहार ह एक पइत फेर ये साबित कर दीस के बदलाव मुमकिन हे।