मांग के निराकरण म मुख्यमंत्री के जताइस आभार
सरगुजा, 20 मई 2025। मुख्यमंत्री श्री विष्णु देव साय के पहल म आयोजित सुशासन तिहार आम नागरिक मन बर उम्मीद अऊ राहत लेके आवत हे। सरगुजा जिला के ग्रामीण निवासी श्रीमती सुनीता यादव ल एकर प्रत्यक्ष लाभ मिले हे।
सुनीता दास के राशनकार्ड नइ बने रहिस। जेकर सेती वोखर परिवार के भरण-पोषण करना थोकन मुश्किल होवत रहिस। वो ह अपन ए समस्या ल लेके सुशासन तिहार म आवेदन दीस।
जिला प्रशासन ह वोखर शिकायत ल प्राथमिकता देवत जल्दी कार्रवाई करिस अऊ ओखर नवा राशन कार्ड बनाइस। अब ओ ल राशनकार्ड ले हर महीना 35 किलो राशन मिलही।
सुनीता यादव ह मुख्यमंत्री श्री विष्णु देव साय के आभार व्यक्त करत कहिस, शासन ह बहुतेच अच्छा पहल करे हे, सुशासन तिहार के माध्यम ले हमार समस्या मन के निराकरण होवत हे। नवा राशनकार्ड बने ले अब हमार परिवार ल निःशुल्क राशन मिलही।
शासन के पहल म सुशासन तिहार आमजन के समस्या मन के समाधान के प्रभावी माध्यम बनत हे अऊ सरकारी योजना मन के लाभ अब सीधा जरूरतमंद मन तक पहुंचत हे।
सुशासन तिहार म होइस राशन कार्ड सुधार, सुनीता यादव ल अब मिलही हर महीना 35 किलो राशन
