जशपुरनगर, 01 जून 2021। जशपुर जिला म स्वच्छता बर गांव के मनखे मन ल प्रोत्साहित करे बर स्व सहायता समूह के महिला मन डोर-टू-डोर कचरा सकेलत हें संगेच महावारी स्वच्छता प्रबंधन महिला मन अऊ किशोरी मन के बेहतर स्वास्थ्य बर काम करत हें।
कलेक्टर श्री महादेव कांवरे के मार्गदर्शन म अऊ जिला पंचायत के मुख्य कार्यपालन अधिकारी श्री के.एस.मण्डवी के दिशा-निर्देश म महिला मन ल स्वच्छता के प्रति जागरूक करे बर सार्थक प्रयास करे जात हे। किशोरी बालिका मन अऊ महिला मन के सुविधा बर 200 ग्राम पंचायत मन म इंसीनरेटर बेन्डिंग मशीन घलोक लगाए गए हे। जशपुर विकास खण्ड के ग्राम पंचायत बोकी ल सिंगल यूज प्लास्टिक मुक्त पंचायत अऊ साल 2020 म राज्य स्वच्छता पुरूस्कार ले सम्मानित करे गए हे। अइसनहे दुलदुला ल उत्कृष्ट सेग्रिगेशन शेड बर राज्य म दूसरा स्थान प्राप्त होए हे।
ग्राम पंचायत मन म किशोरी बालिका मन अऊ महिला मन ल स्वच्छता बर करे जात हे जागरूक
