रइपुर, 17 अगस्त 2021 मंगल। मनरेगा (महात्मा गांधी राष्ट्रीय ग्रामीण रोजगार गारंटी अधिनियम) अउ स्वच्छ भारत मिशन (ग्रामीण) के अभिसरण ले बने सेग्रिगेशन शेड ह जशपुर जिला के गम्हरिया गांव के सूरत बदल देहे हवय। उहां के ‘स्वच्छता दीदी मन’ कचरा के निस्तारण करके गांव के सड़क, गली अउ चौक-चौराहा मन ल स्वच्छ रखे म महत्वपूर्ण योगदान देवत हावय। खुल्ला म शौचमुक्त गांव बने के पीछू अब गम्हरिया प्लास्टिक अउ कूड़ा-करकट मुक्त ग्राम पंचायत तको बन गे हवय। सड़क, गली अउ चौक-चौराहा मन म फेंके जाने वाले कचरा मन ल उहां के सूरज स्वसहायता समूह के माइलोगन मन अतिरिक्त कमई के साधन बनाइन। पाछू एक बछर म ये समूह ह कचरा के निस्तारण अउ यूजर चार्ज ले 63 हजार रूपिया कमाए हवय।
उकर काम ले जउन मन पहिली पहिली उन ल हिकारत के नजर ले देखय तउन मन अब उन मन ल सम्मान ले ‘स्वच्छता दीदी’ कहिके पुकारथे।