रायपुर, मुख्यमंत्री श्री विष्णु देव साय ले आज विधानसभा स्थित उंकर कार्यालय कक्ष म कन्फेडरेशन ऑफ इंडिया ट्रेडर्स (CAIT) के प्रतिनिधि मन ह सौजन्य मुलाकात करिन। ए बेरा म प्रतिनिधिमंडल ह मुख्यमंत्री श्री साय ल कन्फेडरेशन ऑफ इंडिया ट्रेडर्स अउ स्वदेशी जागरण मंच के संयुक्त तत्वावधान म देशभर म चलत स्वदेशी संकल्प यात्रा के तहत 20 दिसंबर के दुर्ग म आयोजित कार्यक्रम म सामिल होय बर नेवता दीन।
मुख्यमंत्री श्री विष्णु देव साय ह CAIT के प्रतिनिधि मन के स्वागत करत नेवता बर धन्यवाद दीन अउ स्वदेशी बिचारधारा ल मजबूत करइया अइसन आयोजन के सराहना करिन।
ए बात खास हे के स्वदेशी संकल्प यात्रा दुर्ग शहर के मुख्य रद्दा मन ले होत नगर भ्रमण करही। ए यात्रा के मुख्य उद्देश्य सशक्त स्वदेशी, वोकल फॉर लोकल, स्थानीय व्यापार ल मजबूत बनाना अउ स्वदेशी उद्यमिता के संदेश ल जन-जन तक पहुँचाना हे।
ए मौका म कन्फेडरेशन ऑफ इंडिया ट्रेडर्स के अध्यक्ष श्री प्रकाश सांखला, यात्रा संयोजक श्री संजय चौबे सहित संगठन के आन पदाधिकारी मन उपस्थित रिहिन।
मुख्यमंत्री ले CAIT प्रतिनिधि मन के सौजन्य मुलाकात, स्वदेशी संकल्प यात्रा म सामिल होय बर दीन नेवता
