खाने म परोसे गए रहिस हे मिंझरा साग (मिक्स वेज), डोड़का (गिल्की झुरगा), सेमी-भाटा,चेंच भाजी,अदौरी बरी अउ पालक दाल
यादव अउ उंखर परिवार वाले मन घर के मुहटा म टिका-आरती कर के फूल के गुलदस्ता देके करिस मुख्यमंत्री के आत्मीय स्वागत
मुख्यमंत्री ल अतिथि के रूप म देख के खुसी ले गदगद होइस श्री प्यारेलाल यादव अउ श्रीमती गिरिजा यादव
रायपुर, नेहा राठौर के खबर/ मुख्यमंत्री श्री भूपेश बघेल अपन प्रदेशव्यापी भेंट-मुलाकात अभियान म आज रईपुर पश्चिम विधानसभा के शहीद मनमोहन सिंह बक्शी वार्ड क्रमांक 23 इस्थित श्रीमती गिरिजा अउ प्यारे लाल यादव के घर पहुंचिन, जिहां यादव परिवार ह घर के मुहटा म टिका-आरती करिस अऊ पुष्प-गुच्छ संग गउंछी देके भेंट करिन। ए अवसर म मुख्यमंत्री के संग रायपुर पश्चिम विधायक श्री विकास उपाध्याय, नगर निगम महापौर श्री एज़ाज़ ढेबर अउ कोनो कोनो जनप्रतिनिधी मन उपस्थित रहिन हे।
मुख्यमंत्री ल अतिथि पाके श्री प्यारेलाल यादव अउ श्रीमती गिरिजा यादव ह अपन खुसी जतइस। मुख्यमंत्री ह यादव परिवार के सदस्य मन के सादगी के संग परोसे गए स्वादिष्ट छत्तीसगढ़ी भोजन के स्वाद लिहिस। मुख्यमंत्री ल मझन कन के भोजन म भात, दार, रोटी के संग चेंच भाजी अउ अदौरी बरी ,मिन्झरा साग, गिल्की झुरगा, सेमी भाटा, खेड़हा, सलाद अउ पापड़ घलो परोसिस।
मुख्यमंत्री ह स्वादिष्ट छत्तीसगढ़ी भोजन खवाए ब श्री यादव अउ उखर परिजन मन ल उपहार भेंट कर के धन्यवाद दिहिस। मुख्यमंत्री ल श्रीमती यादव ह बतइस के ओ ह मेहनत मजदूरी के बुता करथे। उखर परिवार ह संयुक्त परिवार हरे। पति के देहांत के होए के गए ले लईका मन संग सब्बो झन मन मजदूरी के बुता करथे। शासन कोती के जम्मो झन के श्रम कारड बने हावय ।अउ राशन कारड म शासन कोती के हर महीना रासन घलो मिलथे। इसने ही श्री प्यारेलाल यादव ह बतइस के बिजली बिल हाफ योजना ले अबड़ राहत मिलत हे।पहिली बिजली बिल जादा आए ले पटाए म अबड़ परिसानि होवय ,लेकिन अब योजना ले हमन ल बनेच फायदा होवत हे।