स्वच्छ भारत अभियानः समूह के महिला मन ह बेनूर ल स्वच्छ राखे के लीन संकल्प

कचरा उठाना हे, पइसा कमाना हे के दीन नारा

नारायणपुर, 2 मार्च 2020। स्वच्छ भारत अभियान के अंतर्गत एनजीटी ग्राम बेनूर म सालिड लिक्विड वेस्ट मेनेजमेंट के तहत धनलक्ष्मी महिला स्व सहायता समूह, बिहान के महिला मन ह गांव ल स्वच्छ रखे अऊ कचरा प्रबंधन ले आजीविका बढ़ोतरी बर संकल्प लेहे हें। समूह के महिला मन ह कचरा उठाना हे, गांव ल स्वच्छ बनाना हे। कचरा उठाना हे, पइसा कमाना हे के नारा घलोक देहे हें। महिला मन ह ठाने हें कि ओ मन अब बेनूर म कचरा नइ फैलन देवयं। अभियान के शुरुआत मुख्य कार्यपालन अधिकारी जिला पंचायत श्री प्रेमकुमार पटेल के सियानी म बीते इतवार 1 मार्च के होइस। उमन मुख्य मार्ग, बाजार स्थल, दुकान मन के आगू सफाई अभियान चलाइन।