दुर्ग, स्वामी आत्मानंद स्कूल पाटन म कार्यक्रम के समय मुख्यमंत्री श्री भूपेश बघेल स्कूली लइका मन ले मिलिन। ये बेरा म 9वीं के छात्र शैलेंद्र देवांगन ह मुख्यमंत्री ले पूछिस कि ’जब आप स्टूडेंट रहेव, त आप मन के टीचर आपसे कइसे व्यवहार करत रहिन?’ एखर जवाब म मुख्यमंत्री ह अपन स्कूली जीवन के सुरता करत कहिन कि शिक्षक आपसे अनुशासन चाहथें। आप मन समय ले स्कूल पहुंचव। आप मन शिक्षक मन के हुकुम के पालन करव। कक्षा म के समय म आप मन के पूरा फोकस पढ़ाई म होना चाही। कोर्स ले संबंधित जेन चीज आप मन ल समझ म नइ आवत हे, आप मन शिक्षक मन ले अपन जिज्ञासा पूछव। आप मन अनुशासित होहू, खेल अऊ स्कूल के आन गतिविधि मन म हिस्सा लेहू त शिक्षक आप मन ल पसंद करहीं। शिक्षक मन के आगू अपन गलती ल लुकाय के प्रयास झन करव। मुख्यमंत्री ह बताइस कि ऊंखर समय जादा शिक्षक नइ होत रहिस। उमन कहिन अब तो स्वामी आत्मानंद स्कूल म शिक्षक मन के संग आन संसाधन घलोक हे।
मुख्यमंत्री ह लइका मन ले कहिन कि खेल अऊ स्कूल के गतिविधि मन म हिस्सा लेवव
