राजनांदगांव, 16 जुलाई 2021। कलेक्टर श्री तारन प्रकाश सिन्हा ह डोंगरगांव म स्वामी आत्मानंद उत्कृष्ट अंगरेजी माध्यम स्कूल के अवलोकन करिन। उमन उहां लइका मन बर बनत कक्ष, टाईल्स, विद्युतीकरण, लैब, प्ले एरिया अऊ आन सुविधा मन के जानकारी लीन। उमन कहिन कि भावी पीढ़ी बर निर्माणाधीन ये स्कूल म सबो सुविधा उपलब्ध करना सुनिश्चित करव। अइसन प्रयास होना चाही कि ये विद्यालय एक बेहतरीन अऊ अग्रणी विद्यालय बनय। लइका मन के रूचि के मुताबिक एखर साज-सज्जा करव। उमन उहां बाऊंड्रीवाल अऊ एक अऊ प्रवेश द्वार के निर्माण करे के निर्देश दीन। उमन कहिन कि शाला विकास समिति के परामर्श ल ध्यान म रखत काम करव। आर्किटेक्ट ह ओ मन ल नक्शा के माध्यम ले स्कूल म बनत भवन अऊ आन काम मन के जानकारी दीन। कलेक्टर ह कहिन कि लइका मन के खेले बर प्ले एरिया अच्छा होना चाही अऊ कमरा हवादार अऊ रौशनी सहित होना चाही। ये बेरा म जिला पंचायत सीईओ श्री लोकेश चंद्राकर, एसडीएम श्री हितेश पिस्दा, जनपद पंचायत सीईओ श्री लेखराम चंद्रवंशी, लोक निर्माण विभाग के अधिकारी अऊ आन अधिकारी उपस्थित रहिन।
स्वामी आत्मानंद उत्कृष्ट अंगरेजी माध्यम स्कूल ल एक बेहतरीन अऊ अग्रणी विद्यालय बनावव : कलेक्टर राजनांदगांव
