मुख्यमंत्री श्री भूपेश बघेल ह कोरबा म स्वामी आत्मानंद अंग्रेजी महाविद्यालय के करिस सुभारंभ

नवीन भवन निर्माण ब 2 करोड़ 40 लाख रूपिया के प्रावधान
रायपुर, 29 जुलाई 2023
मुख्यमंत्री श्री भूपेश बघेल ह कोरबा जिला म छात्र मन ल अंग्रेजी माध्यम म उच्च शिक्षा प्रदान करे ब कोरबा म स्वामी आत्मानंद शासकीय अंग्रेजी माध्यम आदर्श महाविद्यालय के सुभारंभ करिस। ए सत्र ले अंग्रेजी महाविद्यालय  कला, वाणिज्य, विज्ञान अउ कम्प्यूटर विज्ञान विषय के संग सुरू होवत हे। ए महाविद्यालय अटल बिहारी वाजपेयी विश्वविद्यालय, बिलासपुर ले संबंद्ध हे। सत्र 2023-24 ब प्रवेश प्रक्रिया प्रारम्भ हावय, जेमा जमो संकाय म विद्यार्थी प्रवेश लेवत हे।
ए महाविद्यालय परम्परागत अध्यापन के सुविधा के संग संग आधुनिकतम उपकरण ले घलो सुसज्जित हे। जेकर लाभ ईहां अध्ययनरत विद्यार्थि मन ल मिलही।  सुरक्षात्मक दृष्टि ले सम्पूर्ण परिसर ल सी.सी.टी.व्ही. कैमरा के निगरानी म रखे गय हे । क्रीड़ा अउ सांस्कृतिक गतिविधि ब आवश्यक संसाधन के व्यवस्था करे गय हे। जेकर से विद्यार्थि मनबके बौद्धिक, शारीरिक, मानसिक अउ बहुआयामी विकास हो सकय।
शासन डहर ले ए महाविद्यालय के संचालन ब प्राचार्य, सहायक प्राध्यापक, ग्रंथपाल, कीड़ाधिकारी अउ तृतीय , चतुर्थ श्रेणी के कुल 34 पद स्वीकृत करे गए हे अउ नवीन भवन निर्माण ब 2 करोड़ 40 लाख रूपिया के घलो प्रावधान करे गय हे।
जिला म अंग्रेजी माध्यम महाविद्यालय के सुरू होए ले जिला म संचालित आत्मानंद अंग्रेजी माध्यम स्कूल अउ निजी अंग्रेजी माध्यम स्कूल म अध्ययनरत विद्यार्थि मन ल दूसर जगह म जाके अध्ययन नई करे ब परय। उमन ल ऊकर शहर म ही गुणवत्तापूर्ण उच्च शिक्षा मिलही।
Neha Rathore