- स्वामी आत्मानंद ह स्वामी रामकृष्ण परमहंस के भावधारा ल धरातल म साकार करिन
- मुख्यमंत्री वीडियो कॉन्फ्रेंसिंग के संग सामिल होइन पाटन म आयोजित स्वामी आत्मानंद जयंती समारोह म
- छत्तीसगढ़ म जल्द शुरू होही ‘धरसा विकास योजना‘: योजना तियार करे बर पंचायत, राजस्व अऊ लोक निर्माण विभाग के सचिव मन के समिति गठित करे के घोषणा
- इंग्लिश मीडियम स्कूल मन के संचालन स्वामी आत्मानंद इंग्लिश मीडियम स्कूल योजना के तहत होही
रायपुर, 06 अक्टूबर 2020। मुख्यमंत्री श्री भूपेश बघेल ह कहिन हे के स्वामी आत्मानंद ह पीडि़त मानवता के सेवा के संदेश दीन। उमन अपन काम ले स्वामी रामकृष्ण परमहंस के भावधारा ल धरातल म साकार करिन। श्री बघेल ह कहिन के स्वामी रामकृष्ण परमहंस के भावधारा के प्रचार-प्रसार म उमन महत्वपूर्ण योगदान दीन। रामकृष्ण परमहंस के शिष्य स्वामी विवेकानंद ह रामकृष्ण भावधारा ल पूरा देश म फैलाइन अऊ बहुत अकन मठ बनवाइन। स्वामी विवेकानंद के बाद स्वामी आत्मानंद ह ही सबले जादा आश्रम अऊ मठ बनवाइन। मुख्यमंत्री आज दुर्ग जिला के पाटन तहसील मुख्यालय म आयोजित स्वामी आत्मानंद जयंती समारोह ल वीडियो कॉन्फ्रेंसिंग के माध्यम ले संबोधित करत रहिन। एखर पहिली श्री बघेल ह अपन निवास कार्यालय म स्वामी आत्मानंद के फोटू उपर माल्यार्पण करके ओ मन ल विनम्र श्रद्धांजलि अर्पित करत कार्यक्रम के शुभारंभ करिन।
