रायपुर, 03 जून 2021। मुख्यमंत्री श्री भूपेश बघेल ह आज इहां अपन निवास कार्यालय ले वर्चुअल कार्यक्रम के माध्यम ले स्वामी आत्मानंद शासकीय इंग्लिश स्कूल मुंगेली के लोकार्पण करिन। ए स्कूल ल करीबन 5 करोड़ रूपिया के राशि ले बनवाए गए हे। मुख्यमंत्री ह ये बेरा म जिला प्रशासन मुंगेली कोति ले प्रकाशित कैरियर मार्गदर्शिका के विमोचन करिन अऊ स्कूली लइका मन ल बधाई देवत ऊंखर उज्ज्वल भविष्य के कामना करिन। मुख्यमंत्री ह कार्यक्रम के बेरा म स्वामी आत्मानंद शासकीय इंग्लिश स्कूल मुंगेली के छात्र-छात्रा मन ले बात-चीत करके ओ मन ल प्रोत्साहित घलोक करिन। वर्चुअल कार्यक्रम म नेता प्रतिपक्ष श्री धरमलाल कौशिक घलोक जुडि़न। ये बेरा म स्कूल शिक्षा मंत्री डॉ. प्रेमसाय सिंह टेकाम, पंचायत अऊ ग्रामीण विकास मंत्री श्री टी.एस. सिंहदेव, मुख्यमंत्री के अपर मुख्य सचिव श्री सुब्रत साहू अऊ प्रमुख सचिव स्कूल शिक्षा डॉ. आलोक शुक्ला घलोक उपस्थित रहिन।
मुख्यमंत्री ह करिस स्वामी आत्मानंद शासकीय इंग्लिश स्कूल मुंगेली के लोकार्पण
