रइपुर, 27 अगस्त 2021 शुकवार। मुख्यमंत्री दाउ भूपेश बघेल ह आज इहां अपन घरू कार्यालय म महान समाज सुधारक अउ शिक्षाविद् स्वामी आत्मानंद के पुण्यतिथि के बेरा म उन्कर फोटू म माला चघाके उन ल नमन करीन। ये बेरा म कृषि अउ जल संसाधन मंत्री श्री रविन्द्र चौबे अउ वन अउ जलवायु परिवर्तन मंत्री श्री मोहम्मद अकबर तको रिहिन।
मुख्यमंत्री दाउ भूपेश बघेल ह कहीन कि उनकर आदर्श अउ जीवन मूल्य हमन ल सरीदिन जनसेवा बर पलौंदी देवत रहिही। जानबा होवय कि छत्तीसगढ़ स्वामी आत्मानंद के करम भूमि रेहे हे। उन्मन मानवता के सेवा अउ शिक्षा संस्कार के प्रचार-प्रसार म बढ़का योगदान दीन हवय। स्वामी आत्मानंद जी ह वनवासी मन के उत्थान बर नारायणपुर आश्रम के स्थापना करीन। राज्य सरकार उन्कर कारज ले प्रेरणा लेके गरीब लइका मन के शिक्षा स्वामी आत्मानंद आंग्ल माध्यम विद्यालय प्रारंभ करे हवयं।
स्वामी विवेकानंद पथ का पथिक : स्वामी आत्मानंद
#तुलेन्द्र #स्वामी तेज चैतन्य #स्वामी आत्मानंद
