कोसरंगी चौपाल मं बगरिस ग्रामीण विकास के अंजोर

रायपुर, मुख्यमंत्री श्री विष्णु देव साय ह काली सुशासन तिहार के अंतर्गत आरंग विकासखंड के ग्राम कोसरंगी पहुंचके ग्रामीण बिकास, आर्थिक मजबूती अउ जनकल्याणकारी योजना मन के जमीनी हाल ला देखिन्। मुख्यमंत्री ह चौपाल मं स्वामित्व योजना के तहत ग्रामीण मन ला पट्टा बांटके ओमन ला वैधानिक अधिकार दीन्, उहंचे छत्तीसगढ़ राज्य ग्रामीण आजीविका मिशन (बिहान) के अंतर्गत चलत आजीविका सेवा केंद्र के निरीक्षण करके माईलोगन मन के आजीविका काम मन के जानकारी लीन्।
मुख्यमंत्री श्री साय ह चौपाल ला संबोधित करत कहिन क स्वामित्व योजना ह ग्रामीण मन ला आर्थिक अउ सामाजिक सुरक्षा देवइया बड़का कदम आय। ए योजना के माध्यम ले आबादी जमीन अउ संपत्ति के सरकारी रिकॉर्ड उपलब्ध कराए जात हवय, जेकर ले ग्रामीण मन ला अपन जमीन अउ मकान ऊपर कानूनी अधिकार मिलत हवय। ओमन कहिन क एहा सिरिफ पट्टा बांटना नोहे, भलुक ग्रामीण मन ला मजबूत अउ आत्मनिर्भर बनाए के कोति बड़का कदम आय।
ए मोका मं कैबिनेट मंत्री गुरु खुशवंत साहेब, संभागायुक्त श्री श्याम धावड़े, कलेक्टर डॉ. गौरव कुमार सिंह, स्थानीय जनप्रतिनिधि अउ बड़ संखा मं ग्रामीण लोगन मन उपस्थित रहिन।