आयुर्वेद महाविद्यालय चिकित्सालय म हर पुष्य नक्षत्र तिथि म 0 के16 बछर के लईका मन के कराए जाथे स्वर्ण प्राशन
लईका मन के शारीरिक-मानसिक विकास म मददगार होए के संग एकाग्रता अउ स्मरण शक्ति तको बाढ़थे
रायपुर, नेहा राठौर के खबर/ रोग प्रतिरोधक क्षमता बढ़ाए ब 27 अप्रैल के रायपुर के शासकीय आयुर्वेद महाविद्यालय चिकित्सालय म लईका मन के स्वर्ण प्राशन कराए जाही। आयुर्वेद महाविद्यालय चिकित्सालय म हर पुष्य नक्षत्र तिथि म शून्य ले 16 बछर तक के लईका मन के स्वर्ण प्राशन कराए जाथे। चिकित्सालय के कौमारभृत्य बाल रोग विभाग म बिहनिया नौ बजे ले मझनिया तीन बजे तक ले एकर सेवन कराए जाही। ए औषधि ह लईका मन के रोग प्रतिरोधक क्षमता बढ़ाए, श्वसन संबंधी अउ आने कई ठ रोग ले रक्षा करे के संग ही एकाग्रता अउ स्मरण शक्ति बढ़ाए म अति लाभकारी हवय।
शासकीय आयुर्वेद महाविद्यालय चिकित्सालय म हर पुष्य नक्षत्र तिथि म लईका मन ब स्वर्ण प्राशन के आयोजन करे जाथे। ए बछर के अगामी पुष्य नक्षत्र तिथि 27 अप्रैल, 24 मई, 20 जून, 18 जुलाई, 14 अगस्त, 10 सितम्बर, 7 अक्टूबर, 4 नवम्बर, 1 दिसम्बर अउ 29 दिसम्बर के लईका मन ल स्वर्ण प्राशन कराए जाही।
रोग प्रतिरोधक क्षमता बढ़ाए ब 27 अप्रैल के लईका मन के स्वर्ण प्राशन
