केंद्रीय स्वास्थ्य मंत्री ह करिस सम्मानित
गांधीनगर, गुजरात के राजधानी गांधीनगर म चलत छठवा राष्ट्रीय स्वास्थ्य शिखर सम्मेलन म भारत म सार्वजनिक स्वास्थ्य सेवा प्रणालि मन म अच्छा अऊ अनुकरणीय व्यवहार अऊ नवाचार मन बर साल 2018-19 म जादा फोकस करे के खातिर राज्य श्रेणी के अंतर्गत छत्तीसगढ़ ल पहिली स्थान बर पुरस्कृत करे गीस। केंद्रीय स्वास्थ्य मंत्री डॉ हर्षवर्धन के हाथ ले छत्तीसगढ़ के सचिव स्वास्थ्य श्रीमती निहारिका बारिक सिहं अऊ मिशन संचालक राष्ट्रीय स्वास्थ्य मिशन डॉ प्रियंका शुक्ला ह प्राप्त करिस। स्वास्थ्य मंत्री श्री टी.एस. सिंह देव ह छत्तीसगढ़ ल पहिली स्थान मिले म स्वास्थ्य विभाग के अधिकारी मन अऊ कर्मचारी मन ल बधाई अऊ शुभकामना दिए हें।
पहिली नम्बर बर सात मापदण्ड ल आधार बनाए गए रहिस। जऊन आधार मन ल राज्य ह पूरा करके पहिली पुरस्कार प्राप्त करे हे तेमां नीति आयोग के रैंकिंग, जिला अस्पताल मन के संचालन, हेल्थ एंड वैलनेस सेंटर, गैर संचारी रोग, मानसिक स्वास्थ्य कार्यक्रम, मानव संसाधन, सूचना तंत्र प्रणाली अऊ प्रभावी टीकाकरण कार्यक्रम के अंतर्गत राज्य म करे गए अनुकरणीय काम मन अऊ नवाचार मन ल आधार मानके एखर गणना करे गए हे, ये मापदण्ड मन म हाई फोकस राज्य मन के श्रेणी म साल 2018-19 बर छत्तीसगढ़ राज्य ल पहिली नम्बर दे गए हे। एखर बाद छत्तीसगढ़ राज्य ल प्रोत्साहन राशि के रूप म अकतहा बजट के आबंटन घलोक दे जाही।
