छत्तीसगढ़ म शुरू होही ‘कुष्ठ के विरुद्ध युद्ध‘ अभियान, मु्ख्यमंत्री श्री विष्णु देव साय ह लीन स्वास्थ्य विभाग के बैठक

जगदलपुर अऊ बिलासपुर म निर्माणाधीन सुपरस्पेशलिटी अस्पताल के काम अवइया फरवरी तक पूरा करे के दीन निर्देश
मुख्यमंत्री ह सबो नागरिक मन ल गुणवत्तापूर्ण स्वास्थ्य सुविधा मुहैया कराए अऊ जेनेरिक दवई के उपयोग ल बढ़ावा देहे के घलोक निर्देश दीन
रायपुर, 15 दिसम्बर 2023। मुख्यमंत्री श्री विष्णु देव साय ह आज मंत्रालय, महानदी भवन म स्वास्थ्य विभाग अऊ चिकित्सा शिक्षा विभाग के बैठक लीन। उमन बैठक म स्वास्थ्य विभाग कोति ले संचालित योजना मन के विस्तार ले जानकारी लीन। मुख्यमंत्री श्री साय ह प्रदेशवासी मन ल गुणवत्तापूर्ण स्वास्थ्य सुविधा उपलब्‍ध कराए अऊ एंबुलेंस सेवा-108 ल दुरुस्त करे के निर्देश दीन। उमन राज्य ल कुष्ठमुक्त बनाए खातिर जल्दीच ’कुष्ठ के विरुद्ध युद्ध’ अभियान शुरू करे के निर्देश दीन। उमन डॉक्टर मन ल मरीज मन बर जेनेरिक दवई ही प्रिस्क्राइब करे ल कहिन। उमन सबो अस्पतालों म जेनेरिक दवई के उपलब्धता सुनिश्चित करे के निर्देश दीन। मुख्यमंत्री ह जगदलपुर अऊ बिलासपुर म निर्माणाधीन सुपरस्पेशलिटी अस्पताल के काम अवइया फरवरी महिना तक हर हाल म पूरा करे ल कहिन, ताकि प्रधानमंत्री श्री नरेन्द्र मोदी के हाथ मार्च म इंंकर लोकार्पण कराए जा सकय। उप मुख्यमंत्री श्री अरूण साव अऊ श्री विजय शर्मा अऊ मुख्य सचिव श्री अमिताभ जैन घलोक ये बैठक म सामिल होइन।