रायपुर, 22 दिसंबर 2023। राज्यपाल श्री विश्वभूूषण हरिचंदन ह आज राजभवन म विधायक सर्वश्री श्री बृजमोहन अग्रवाल, श्री रामविचार नेताम, श्री केदार कश्यप, श्री दयालदास बघेल, श्री लखनलाल देवांगन, श्री श्याम बिहारी जायसवाल, श्री ओ.पी चौधरी, श्रीमती लक्ष्मी राजवाड़े अउर श्री टंकराम वर्मा ल मंत्री पद अउ गोपनीयता के शपथ देवाईन।
ये बेरा म मुख्यमंत्री श्री विष्णुदेव साय, उप मुख्यमंत्री द्वय श्री अरूण साव, श्री विजय शर्मा संग विधानसभा अध्यक्ष डॉ. रमन सिंह, पूर्व मुख्यमंत्री श्री भूपेश बघेल, नवनिर्वाचित विधायक, जनप्रतिनिधिगण, वरिष्ठ प्रशासनिक अधिकारीगण उपस्थित रहिन। कार्यक्रम के संचालन मुख्य सचिव श्री अमिताभ जैन ह करिस। ये बेरा म राज्यपाल के सचिव श्री अमृत खलखो, उप सचिव श्री दीपक अग्रवाल घलोक उपस्थित रहिन।
