स्वास्थ्य मंत्री ह स्वास्थ्य सेवा मन म सुधार करे ब विभागीय अधिकारी-कर्मचारी मन ल देईस सबासी
श्री सिंहदेव ह स्वास्थ्य विभाग के कामकाज के करिस समीक्षा, 13 अपरेल के घलो होही योजना अउ कार्यक्रम के करही समीक्षा
रायपुर. नेहा राठौर के खबर/ स्वास्थ्य अउ परिवार कल्याण मंत्री श्री टी.एस. सिंहदेव ह आज वरिष्ठ विभागीय अधिकारी मन के संग विभागीय कामकाज के समीक्षा करिस। रायपुर म आयोजित तीन दिवसीय समीक्षा बईठक के आज दूसर दिन रहिस हे। बईठक म चालू वित्तीय बरस 2023-24 म स्वास्थ्य अउ परिवार कल्याण विभाग अउ राष्ट्रीय स्वास्थ्य मिशन के कार्ययोजना के उपर विचार-विमर्श करे गईस। अउ संगे म लोगन मन तक सुविधा पहुंचे म आवत परेसानी के निदान करे ब घलो चरचा होइस।
स्वास्थ्य विभाग के सचिव श्री प्रसन्ना आर., स्वास्थ्य सेवा के संचालक श्री भीम सिंह, राष्ट्रीय स्वास्थ्य मिशन के संचालक श्री भोसकर विलास संदीपन, सीजीएमएससी के प्रबंध संचालक श्री चंद्रकांत वर्मा अउ महामारी नियंत्रण के संचालक डॉ. सुभाष मिश्रा घलो बईठक म रहिन हे। सब्बो जिला के मुख्य चिकित्सा अउ स्वास्थ्य अधिकारी, सिविल सर्जन, संभागीय संयुक्त संचालक, जिला मन म पदस्थ विभागीय उप संचालक, ज़िला कार्यक्रम प्रबन्धक, जिला कार्यक्रम अधिकारी अउ स्वास्थ्य विभाग अउ राष्ट्रीय स्वास्थ्य मिशन के अधिकारी मन घलो समीक्षा बईठक म सामिल होईन।
स्वास्थ्य मंत्री श्री टी.एस. सिंहदेव ह बईठक म कहिन के स्वास्थ्य के क्षेत्र ह सबले चुनौतीपूर्ण कार्यक्षेत्र म से एक होए।जिनगी अउ मउत(मृत्यु) ले जुडे़ होए के सेती ए ह अबड़ संवेदनशील विभाग होए। मंत्री जी ह स्वास्थ्य विभाग के अधिकारी अउ डॉक्टर मन ल मरीज अउ ओमन के परिवार वाले मन संग प्रेमपूर्वक बढ़िया वयवहार करे ब कहिन। श्री सिंहदेव ल बीते वित्तीय वर्ष मेल स्वास्थ्य विभाग के बढ़िया काम अउ स्वास्थ्य सेवा म सुधार होए न अधिकारि-कर्मचारि मन ल सबासी अउ बधई घलो दिहिन।
स्वास्थ्य मंत्री बईठक म कहिन के प्रदेश के लोगन मन ल जतका जरुरत हे ओतका के स्वास्थ्य सेवा दिए ब विभाग करा भरपूर बजट हे।ओ ह विभाग ल वित्तीय बछर के सुरू ले जी बढ़िया ले बढ़िया अउ अपन पूरा क्षमता ले काम करे के निर्देश दिए हे। श्री सिहदेव ह स्वास्थ्य विभाग के कई ठन एम्बुलेंस सेवा जईसे महतारी एक्सप्रेस (102), संजीवनी एक्सप्रेस (108) अउ शव वाहन (1099) सुविधा ब एम्बुलेंस के जगह ल समुचित ढंग ले निरधारित करे ब कहिन जेकर से काम परे म तुरूत मरीज ल एम्बुलेंस सेवा के सुविधा मिल सके। ओ ह प्रदेश के सुदुर इलाका मन के अइसे दुरगम अउ पहुंचविहीन क्षेत्र मन के पता लगा के चिन्हांकित करे ब कहिन जिहां ल रद्दा चाहे पुल-पुलिया नई होए के सेती एम्बुलेंस ह पहुंचे नई सके।
स्वास्थ्य विभाग के विभागीय समीक्षा बईठक के दूसर दिन आज महतारी – लइका स्वास्थ्य, परिवार नियोजन, पीसीपीएनडीटी एक्ट के क्रियान्वयन, नई फइले वाले (गैर-संचारी) रोग, स्वास्थ्य अउ कल्याण केंद्र , फईले वाले (संचारी) रोग, ओपीडी अउ आईपीडी सेवा, डायग्नोस्टिक सेवा, स्टॉफ के प्रशिक्षण, ब्लड-बैंक, सिकलसेल प्रबंधन केंद्र, बायो-मेडिकल वेस्ट प्रबंधन ,अग्नि सुरक्षा अउ बिजली लेखा परीक्षा (फायर सेफ्टी एंड पॉवर ऑडिट) के समीक्षा करे गईस। विभागीय समीक्षा बईठक के तीसर दिन 13 अपरेल क घलो अलग अलग सेवा अउ योजना मन के समीक्षा करे जाही।
