क्वीसलैंड के सबले बड़े अस्पताल म से एक हे गोल्ड कोस्ट यूनिवर्सिटी हॉस्पिटल
रायपुर, स्वास्थ्य अउ चिकित्सा शिक्षा मंत्री श्री टी.एस. सिंहदेव के नेतृत्व म अध्ययन भ्रमण ब ऑस्ट्रेलिया गए स्वास्थ्य विभाग के टीम ह आज गोल्ड कोस्ट यूनिवर्सिटी हॉस्पिटल के अधिकारी मन संग अस्पताल के व्यवस्था के अवलोकन करिस। भ्रमण के दौरान टीम ह अस्पताल के अधोसंरचना, अस्पताल प्रबंधन अउ गुणवत्ता के संग इमरजेंसी सेवा के व्यवस्था देखीस। लगभग 1000 बिस्तर वाला गोल्ड कोस्ट यूनिवर्सिटी हॉस्पिटल ऑस्ट्रेलिया के क्वीसलैंड के सबले बड़े अस्पताल के संग प्रमुख शिक्षण अस्पताल म से एक हे। गोल्ड कोस्ट हॉस्पिटल ह स्वास्थ्य के क्षेत्र म कई ठ उल्लेखनीय काम करे हे।
स्वास्थ्य विभाग के टीम आगामी 22 मई के गोल्ड कोस्ट यूनिवर्सिटी हॉस्पिटल के विशेषज्ञ अउ अधिकारी मन करा आज भ्रमण के बेर देखे गए व्यवस्था के संग इलाज अउ मरीज मन के प्रबंधन संबंधी जानकारी म विस्तृत ले चर्चा करही। अउ संग म प्रबंधन संबंधी अन्य जानकारि के घलो आदान-प्रदान करे जाही। अध्ययन दौरा म ऑस्ट्रेलिया गए स्वास्थ्य विभाग की टीम म स्वास्थ्य विभाग के सचिव श्री प्रसन्ना आर., स्वास्थ्य सेवा के संचालक श्री भीम सिंह, राष्ट्रीय स्वास्थ्य मिशन के संचालक श्री भोसकर विलास संदिपान अउ राज्य नोडल अधिकारी डॉ. कमलेश जैन शामिल हवय।
स्वास्थ्य मंत्री श्री टी.एस. सिंहदेव के नेतृत्व म अध्ययन भ्रमण म ऑस्ट्रेलिया गए स्वास्थ्य विभाग के टीम ह गोल्ड कोस्ट यूनिवर्सिटी हॉस्पिटल के देखिस व्यवस्था
