तहसीलदार ल बंधक बनाए वाले खबर गलत अऊ भ्रामक

किसान मन ले प्रति एकड़ 15 क्विंटल मान ले धान के खरीदी करे जात हे

रायपुर, कबीरधाम जिला के धान उपार्जन केन्द्र पनेका म तहसीलदार ल बंधक बनाए के खबर सोशल मीडिया अऊ कतिपय समाचार माध्यम मन म प्रसारित करे गए रहिस जऊन पूरा गलत अऊ भ्रामक हे।

कबीरधाम कलेक्टर ह बताइस कि जिला म धान के खरीदी सुचारू रूप ले संचालित हे। धान खरीदी के सुचारू व्यवस्था बर किसान मन ल टोकन जारी करे जात हे ताकि धान खरीदी केन्द्र मन म जादा बेर तक किसान मन ल धान के तौलाई बर अगोरा झन करना परय। तहसीलदार धान खरीदी के नियमित जांच बर पनेका धान खरीदी केन्द्र पहुंचे रहिन। उहां किसान मन ह अपन समस्या ले संबंधित ओ मन ल ज्ञापन सौंपे म अड़बड़ बेर लगाइन जऊन ल कुछ मनखे मन ह तहसीलदार ल बंधक बनाय के भ्रम फैला दीन जऊन कि पूरा गलत हे।

उमन बताइस कि जिला म समर्थन मूल्य म हर किसान ले प्रति एकड़ 15 क्विंटल के मान ले धान खरीदी करे जात रही हे। धान खरीदी बर अफवाह फैलाए जात हे कि लिमिट निरधारित करे गए हे। जबकि ये संबंध म कोनो लिमिट निरधारित नइ करे ग हे। प्रति एकड़ 15 क्विंटल के मान ले धान के खरीदी करे जात हे। किसान मन ल धान खरीदी के भुगतान ऑनलाईन करे जात हे। सबो धान खरीदी केन्द्र मन म किसान मन ल कोनो प्रकार के दिक्कत झन होवय एखर निर्देश देहे गए हे। धान खरीदी केन्द्र मन म प्रशासनिक अधिकारी मन भ्रमण करके व्यवस्था के जायजा लवत हें। आन राज्य मन ले अवइया धान उपर कड़ी निगरानी रखे जात हे।

एहू ल पढ़व ..  लईका के गवांए के 36 दिन बाद मिलिस लाश, पुलिस ह तीन झन संदिग्ध आरोपी ल करिस गिरफ्तार

लउछरहा..