मुख्यमंत्री कहिन -तैं चिंता झन कर

रइपुर 25 जून 2022
मुख्यमंत्री मुख्यमंत्री दाऊ भूपेश बघेल ह आज अपन प्रदेशव्यापी भेंट मुलाकात कार्यक्रम के बेरा म दुलदुला विकासखंड के ग्राम पतराटोली म लोगन मन ले चर्चा करीन अउ उन्कर मन ले शासकीय योजना मन के जमीनी क्रियान्वयन के फीडबैक लिन। इही बीच भेंट-मुलाकात म गंभीर बीमारी ले ग्रसित रमा ताम्रकार ह मुख्यमंत्री दाऊ बघेल ल अपन बीमारी के बारे म बताइस अउ आर्थिक मदद के अपील करीन। रमा ह बताइस कि ओला गम्भीर बीमारी हवय, बेहतर इलाज खातिर रूपिया -पइसा के आवश्यकता हवय, आर्थिक रूप ले कमजोर होने के कारण वोह ठीक तरह ले अपन इलाज नइ करा पावत हे। उन्कर इलाज दिल्ली म चलत हावय। रूपिया -पइसा के आवश्यकता हवय।
रमा के समस्या सुनके मुख्यमंत्री ह संवेदनशीलता देखावत कहीन कि ओला चिंता करे के आवश्यकता नइ हे, ओकर इलाज मुख्यमंत्री विशेष स्वास्थ सहायता योजना से करे जाही, मुख्यमंत्री ह रमा ल इलाज के आश्वासन दिस। जानबा होवय कि ये योजना के तहत 20 लाख रुपिया तक के इलाज के सुविधा हवय। मुख्यमंत्री के संवेदनशीलता ऊपर रमा ह आभार प्रकट करत ओला धन्यवाद दिस।