नारायणपुर, 02 जून 2020। आज पूरा दुनिया कोरोना वायरस ले डेराए हे। अइसन म देश के हर प्रदेश म लइका मन के पढ़ई ह बड़ चिंता के विसय बन गए हे। स्कूल-कॉलेज बंद हे। ये स्थिति ले निपटे बर छत्तीसगढ़ के मुख्यमंत्री श्री भूपेश बघेल के चिंता अऊ मंशा के मुताबिक शिक्षा विभाग ह पूरा सिसटम म कसावट के शुरूआत कर देहे हे। शिक्षा विभाग छत्तीसगढ़ शासन ह ऑनलाइन शिक्षा ल बढ़ावा देहे बर पढ़ई तुंहर दुआर पोर्टल के शुरूआत करे हे। ये तकनीक म जिला नारायणपुर के हजारों के संख्या म शिक्षक अऊ पढ़ईया लईका मन ह पंजीयन करवाए हें अऊ घर म रहिके अध्यन-अध्यापन करत हें। अब छत्तीसगढ़ के शिक्षक कोनो एक विद्यालय के न होके पूरा छत्तीसगढ़ के हें। ऑनलाइन शिक्षा के लाभ छत्तीसगढ़ के पहली कक्षा ले 10 वीं कक्षा तक के लइका मन मुफ्त पावत हें।
नारायणपुर म होवत हे पढ़ई तुंहर दुआर के सुग्घर उपयोग: नक्सल हिंसा ग्रस्त गांव मन म शिक्षक ग्रुप बनाके लेवत हें ऑफलाइन वर्चुवल क्लास
