बिलासपुर : कृषि विभाग के टरफा योजना ले लाभान्वित होवत हे जिला के किसान

धान के छोड़े गहूं, अलसी, मउसरी(मसूर) के खेती कर कमात हे मुनाफा
कम लागत म मिलत हे फसल के बढ़िया पैदावार
बिलासपुर, 23 जुलाई 2023
जिला के किसान अब धान के छोड़े दूसर फसल म घलो रुचि देखात हे। ग्रीष्मकालीन धान के संग म आने फसल जईसे के गहूं, अलसी, मसूर, मूंग के बने पैदावार प्राप्त करत हे। कृषि विभाग कती ले संचालित टरफा योजना के अंतर्गत किसान मन ल अनुदान राशि के माध्यम ले बीज देके उमन ल आने फसल कस बुआई ब प्रेरित करत हे। कम पानी अउ कम लागत म फसल के बढ़िया पैदावार होए ले जिला के किसान मन के बने आमदनी होवत हे।
     जिला के विकासखंड तखतपुर के सिलतरा निवासी किसान श्री राजेश यादव करा 1.5 एकड़ खेती भुइयां हे। ओ ह अपन खेत म धान के फसल लेवत रहिस हे। श्री यादव ह बताइस के गरमी के मउसम म धान के फसल ल अबड़ पानी लागथे। ग्रामीण कृषि विस्तार अधिकारी श्रीमती कृति कला के माध्यम ले ओला धान के बदला आने फसल जईसे गहूं, मूंग, मसूर, मक्का के खेती कम लागत अउ कम पानी म कर जार सके के जानकारी मिलिस। कृषि विभाग डहर ले गहूं बीज 50 प्रतिशत अनुदान म अउ प्रदर्शन ब मसूर बीज प्राप्त होइस। श्री यादव ह गहूं अउ मसूर के मिंझरा बोनी करिस। कम पानी म फसल के बने बढ़िया पैदावार होइस, जेकर से बने लाभ घलो मिलिस। श्री यादव ह कृषि विभाग के टरफा योजना ब धन्यवाद दिस। उकर सफलता ले देख के दूसर किसान मन घलो मिश्रित खेती करे ब प्रेरित होवत हे।
Success story
Neha Rathore