1231 पद बर 2640 झन मन करे रहिस हे आवेदन,बाचे वेकेंसी बर प्रक्रिया ल बढ़ा दिए गए हे आघू।
युवा मन कहिस जिला प्रशासन के पहल बहुत सराहनीय हे।
‘रायगढ़ मितान पोर्टल’ म घलो मिलही वेकेंसी के जानकारी ,तमनार म आयोजित होइस बड़े रोजगार मेला।
रायगढ़, नेहा राठौर के खबर/ तमनार हाईस्कूल मैदान ह सैकड़ो युवा मन के सपना पूरा होए के साक्षी बनिस हे।इंहा जिला प्रशासन द्वारा एक बड़े रोजगार मेला के आयोजन करे गए रहिस हे।मेला म 710 युवा मन कंपनी/उद्योग ले ऑफर लेटर मिलिस हे।
तमनार म आयोजित रोजगार मेला म 54 उद्योग,1231 पद लेके पहुचे रहिस हे। जेकर ब 2640 युवा मन आवेदन करे रहिस हे, बाचे खाली पद ल भरे के काम ल अगला चरण ब आघू बढ़ाए गए हे।ऑफर लेटर पाए वाले युवा मन आयोजन बर कलेक्टर श्री तारन प्रकाश सिन्हा संग जिला प्रशासन अउ मुख्यमंत्री के आभार व्यक्त करिस हे।
तकनीकी अउ गैर तकनीकी 710 पद बर रोजगार मेला म होइस भर्ती बाचे पद ल अगला चरण म भरे जाहि
मेला म तकनीकी अउ गैर तकनीकी दुनो पद म भर्ती लिए गए हे । मेला म जिला के विभिन्न उद्योग के कई ठन टेक्निकल(तकनीकी) पद जइसे मैकेनिकल इंजीनियर, इलेक्ट्रिकल इंजीनियर, शिफ्ट इंचार्ज, फिटर, वेल्डर, मेल्टर, इलेक्ट्रीशियन, लैब असिस्टेंट, केमिस्ट, मशीन ऑपरेटर्स के संगे म गैर तकनीकी पद जइसे सेल्स एक्जीक्यूटिव, ब्रांच रिलेशनशिप एक्जीक्यूटिव, कस्टमर रिलेशनशिप एक्जीक्यूटिव जइसे पद मन बर घलो भर्ती लिए गईस हे। जेमा ले गैर तकनीकी पद बर पेटीएम, एयरटेल, एसबीआई लाईफ अउ तकनीकी पद ब जिंदल, एमएसपी जइसे उद्योग मन भर्ती लिस। बाकी बाचे वेकेंसी बर आवेदन लेके भर्ती के प्रक्रिया ल अगला चरण म बढ़ाए गए हे।
जिला प्रशासन द्वारा स्थानीय युवा मन ल रोजगार देवाए के उद्देश्य ले ‘रायगढ़ रोजगार मितान पोर्टल’ लॉन्च करे गए हे। जेमा पंजीयन करे वाले युवा मन ल आघू अउ सरकारी संग प्राइवेट सेक्टर के जॉब वेकेंसी आहि त नोटिफिकेशन के माध्यम ले जानकारी मिल जाही।
