लोक निर्माण मंत्री श्री साहू ह लीन विभागीय अधिकारी मन के बैठक जनता के सुविधा बर काम करे के दीन नसीहत

रायपुर, लोक निर्माण मंत्री श्री ताम्रध्वज साहू ह आज राजनांदगांव जिला के पहली विभागीय बैठक म अधिकारी मन ल आम जनता के सुविधा बर काम करे के नसीहत दीन। मंत्री श्री साहू ह कहिन कि विभाग के काम आम जनता के बुनियादी सुविधा मन ले जुड़े हे। विकास काम अइसन होवय जेखर से आम जनता ल सुविधा मिलय। उमन भेदभाव के प्रवृत्ति ले हटके सबो क्षेत्र के समन्वित विकास म जोर दव। श्री साहू ह कहिन कि डीपीआर के अनुसार ही सड़क, भवन अऊ पुल-पुलिया मन के निर्माण करे जाना चाही। डीपीआर बनात समय ये बात के ध्यान रखे जाय ताकि रिवाईज एस्टीमेंट बनाए के जरूरत झन परय। रिवाईज एस्टीमेंट बनाए के चलन कम होना चाही। श्री साहू ह कहिन कि एखर बर विभागीय काम संस्कृति म बदलाव लाय के जरूरत हे।
ये बेरा म खुज्जी विधायक श्रीमती छन्नी साहू, डोंगरगढ़ विधायक श्री भुनेश्वर बघेल, जिला पंचायत राजनांदगांव के अध्यक्ष श्रीमती चित्रलेखा वर्मा, पुलिस उप महानिरीक्षक राजनांदगांव रेंज श्री रतन लाल डांगी, कलेक्टर श्री जयप्रकाश मौर्य, पुलिस अधीक्षक राजनांदगांव श्री बीएस धु्रव संग पुलिस-प्रशासन के अधिकारी उपस्थित रहिन।

एहू ल पढ़व ..  मुख्यमंत्री श्री भूपेश बघेल के अध्यक्षता म आज श्री ताम्रध्वज साहू ले सम्बद्ध विभाग मन के बजट प्रस्ताव मन उपर परखर गोठ-बात

लउछरहा..