मिनीमाता स्मृति समारोह म गृह मंत्री सामिल
रायपुर, गृह, जेल, लोक निर्माण, पर्यटन, धार्मिक न्यास अऊ धर्मस्व मंत्री श्री ताम्रध्वज साहू ह पालक मन ले आह्वान करत कहिन कि ओ मन अपन लइका मन ल पाश्चात्य सभ्यता अऊ संस्कृति, भौतिकतावादी जीवन ले दूर रखयं अऊ ओ मन ल छत्तीसगढ़ी अऊ भारतीय संस्कृति के शिक्षा देवयं।
श्री साहू आज रायपुर के शहीद स्मारक भवन म आयोजित मिनीमाता स्मृति दिवस समारोह ल मुख्य अतिथि के आसंदी ले संबंधित करत रहिन। ये बेरा म नगरीय प्रशासन अऊ विकास, श्रम मंत्री श्री शिव डहरिया, खाद्य, नागरिक आपूर्ति अऊ उपभोक्ता संरक्षण, संस्कृति, योजना, आर्थिक अऊ सांख्यिकी मंत्री डॉ. अमरजीत सिंह भगत संग आन जनप्रतिनिधि, गणमान्य नागरिक मौजूद रहिन।
गृहमंत्री श्री साहू ह मिनी माता के सोंच, मानवता के प्रति संवेदनशील सिद्धांत अऊ ऊंखर बताए मार्ग म चले के आह्वान करत कहिन कि सबो पालक अपन पुत्र अऊ पुत्रि मन के प्रति समदर्शी भाव रखयं। ओ मन ल शिक्षा अऊ विकास के समान अधिकार अऊ अवसर देवावयं।
गृहमंत्री ह मिनीमाता के बताए मार्ग म चले अऊ ऊंखर समाज सेवा के काम मन ल अक्षुण्ण बनाए रखे के संगेच सेवा भावी महिला मन ल सम्मानित करे के जरूरत बताईन। उमन सतनामी समाज के मांग मन ल जायज ठहरात, ओ ल पूरा करे बर सकारात्मक कार्रवाई के आश्वासन दीन।
